زاهد کیمی کی

تؤکدوکجه قانیمی اوخون، اول آستان ایچر،
بیر یئرده یم اسیر کی، توپراغ قان ایچر.
اهل زمانه قانینا چوخ تشنه دیر زمین،
قانین کیمین تؤکرسه فلک، اول زمان ایچر.
مئی ایچمه دن آچیلمازایمیش باب معرفت،
سوگندلر بو بابده پیر مغان ایچر.
عقباده کوثر ایستمه سین رند میکده،
دنیاده بس دئگیلمی مئی ارغوان ایچر؟
غمزن گؤرونمه‌ییب گؤزه، قانلار ایچر مدام،
زاهد کیمی کی، باده نی ائلدن نهان ایچر.
مئیدن اگرچی توبه وئریر ائل فضولییه،
ای سرو، سن قدح وئرر اولسان، روان ایچر.