سندن، ای بلبل

عیش ایچون بیر طرفه منزل دیر باهار ایامی باغ،
اوندا توتسون غنچه وش هر کیم کی، عیش ایستر اوتاغ.
غنچه‌لر آچیلدی، سیر باغ ائدین، ای اهل دل
کیم، گؤروب گل لر، کؤنول لر آچیلان چاغیدیر بو چاغ.
سندن، ای بلبل، فزون دور منده محنت فصل گل،
سن سن و من تازه گل، حالا من و مین تازه باغ.
باغه سرویم گلدیگین بیلمیش سحردن شاخ گل،
روشن ائتمیش رهگذاری اوزره هر یان مین چراغ.
چکسه‌لر زنجیرایله گلزاره گئتمن کیم، منه
سنبل زلفون فراقندان مشوش دیر دماغ.
موسم گل دور، ولی گئتمن چمن سیرینه کیم،
روضۀ کویین منه اول سیردن وئرمیش فراغ.
محرم اولماز رندلر بزمینه مئی نوش ائتمه ین،
ای فضولی، چک آیاغ اول بزمدن، یا چک ایاغ*.
*ایاغ – قدح