طعنۀ اغیار چکمک

ساقیا، مئی صون کی، دام غمدورور هوشیارلیق،
مست لیک دیر کیم، قیلیر غم اهلینه غمخوارلیق.
وار فکرین، یوخ غمین چکمک ندیر، بیر جام ایله،
بی خبر قیل کیم، منه بیر اولا یوخلوق، وارلیق.
جان متاعی نین بهاسیدیر نه کیم، دوران وئریر،
طرفه کیم، صانیرام شفقت دیر اول غدارلیق.
مندن آخر چون قیلیر بیزارلیق اسباب دهر،
دهر اسبابیندان اول یئنه کیم، قیلام بیزارلیق.
طعنۀ اغیار چکمک دیر ایشیم بیر یار ایچون
کیم، اولوب اغیاره یار، ائیلر منه اغیارلیق.
چکمه زحمت، چک الین تدبیر دردیمدن، طبیب
کیم، دئگیل سن بیلدیگین من چکدیگیم بیمارلیق.
ای فضولی، ائیلرم قطع تعلق قامودان،
بو طریق ایچره منه توفیق ائدرسه یارلیق.