مئی ایچیب، اغیارایلن سیر گلستان ایله ین!

ای گئییب گلگون، دمادم عزم جولان ایله ین،
هر طرف جولان ائدیب دؤندوکجه یوز قان ایله ین.
ای منی محروم ائدیب بزم وصالیندن مدام،
غیری خوان* التفاتی اوزره مهمان ایلین.
ای دمادم رشک تیغیله منیم قانیم تؤکوب،
مئی ایچیب، اغیارایلن سیر گلستان ایله ین!
نئجه کیم، افغانیمی، ای مه، ائشیتدین گئجه لر،
دئمدین بیر گئجه کیم دیر مونجه افغان ایله ین؟
نولا گر جمعیت خاطردن اولسام نا امید،
جمع اولورمی خوب لر زلفی پریشان ایله ین؟
یار دون چکمیشدی قتلیم قصدینه تیغ جفا،
یئتمه سین مقصودینه، یا رب، پشیمان ایله ین.
عشق دردیله اولور عاشق مزاجی مستقیم،
دشمنیم دیر، دوست لار، بو درده درمان ایله ین.
زاهدین طعن ایله دؤندردیم اوزون محراب دن،
مونجه بولماز اجر مین کافر مسلمان ایله ین؟
درد هجران ناتوان ائتمیش فضولی خسته نی،
یوخمودور، یا رب، دوای درد هجران ایله ین.
* خوا ن – سفره