غمزه پیکانین

عکس رخسارین ایله اولدی مزین میرات،
بدن مرده یه فیض نظرین وئردی حیات.
بنزدردیم قد موزونینه فی الجمله اگر،
جان ایچینده الف ائتسیدی قبول حرکات.
خط بو مضمون ائیله دیر طرف زنخدانیندا
کی، بو زندانین اسیرینه یوخ امید نجات.
کاکیلین قیلدی مقرر منه سرگشته لیگی،
دئمه سین کیمسه کی، وار گردش گردونه ثبات.
غمزه پیکانین ائدر عاشقه اشک صدقه،
اؤیله کیم، مردم منعم وئره محتاجه زکات.
آفرین جوهر مقبولینه کیم، عالمده
ممکن اولماز بو صفات ایله کی، سن سن بیر ذات.
ای فضولی، ورع و زهد ایله معتاد اولدین،
بیلمدین حالینی، بیهوده کئچیردین اوقات.