اونو یاد ائت

بحر عشقه دوشدین، ای دل، لذت جانی اونوت!
بالغ اولدین، گل رحیمدن ایشدیگین قانی اونوت!
وئردی رحلتدن خبر موی سفید و روی زرد،
چهرۀ خندانی و زلف پریشانی اونوت!
چک ندامتدن گؤگه دود دل و توک قانلی یاش،
سرو نازی ترک توت گلبرگ خندانی اونوت!
گؤر غنیمت فقر ملکونده گدالیق شیوه سین،
اعتبار منصب درگاه سلطانی اونوت!
چکمه عالم قیدینی، ای سربلند فقر اولان،
سلطنت تختینه ایزدن، بند و زندانی اونوت!
لوح خاطر صورت جانانه قیل آینه وار،
اونو یاد ائت، هر نه کیم یادیندا دیر، آنی اونوت!
معصیت درسین یئتر تکرار قیل، دؤندر ورق،
اؤزگه حرفین مشقین ائت، اول درس عنوانی اونوت.
ای فضولی، چک ملامت رهگذاریندان قدم
لحظه لحظه چکدیگین بیهوده افغانی اونوت!