تصویر ائدن وجودیم یازمش الیمده ساغر

زلفی کیمی آیاغین قویماز اؤپم نگاریم،
یوخدور اونون یانیندا بیر قیلجا اعتباریم.
انصاف خوش دور، ای عشق، آنجاق منی زبون ائت،
ها بؤیله محنت ایله کئچسینمی روزگاریم؟
بیلدی تمام عالم کیم، دردمند عشقم،
یارب، هنوز حالیم بیلمزمی اؤیله یاریم؟
وصلیندن آیری نولا قانیم تؤکولسه گل گل،
من گلبن خزانم بو فصل دیر بهاریم.
تصویر ائدن وجودیم یازمش الیمده ساغر،
رفع اولماغا بو صورت یوخ الده اختیاریم.
دور ایستمن زمانی مئی سایه سین باشیمدان،
توپراق اولاندا، یارب، دورد مئی ائت غباریم.
روسوالریندن اول مه سایماز منی، فضولی،
دیوانه اولماییممی دنیاده، یوخمو عاریم؟