درد عشقینله کی، گوزگوده گؤرونمز اثریم

ائشیگین داشینی قان ایله یودو چشم تریم،
پاکلیغدان، داشی لعل ائیله‌دی فیض نظریم.
جگریم داغینه مرهم بولامادیم سندن،
نئجه آه ایلمییم، آه، یانیب دیر جگریم.
دئدی اول یار: سحر وقتی گلیم، لیک نه سود،
وقت معلوم دئگیل، شام ایله بیردیر سحریم.
ای خوش اول شام کی، بیخود گئدییم اول کویینه، صبح:
نئیلدیم اوندا، دئیه غیردن آلیم خبریم.
دوشمزم کؤنلونه، یعنی اولوبام اؤیله ضعیف،
درد عشقینله کی، گوزگوده گؤرونمز اثریم.
نئچه مین عاشقه آنجاق بیر اوخ آتدین، دئمدین
کی، دوشر بیر بیرینه بیر نئچه افتاده لریم.
ای فضولی، دورا مندن آلا تعلیم وفا،
ناگه ار مرقد مجنونه دوشرسه گذریم.