یارایله اغیاری همدم گؤرمگه اولسایدی صبر

عقل یار اولسایدی، ترک عشق یار ائتمزمیدیم؟
اختیار اولسایدی، راحت اختیار ائتمزمیدیم؟
لحظه لحظه صورتین گؤرسیدیم اول شیرین لبین،
سن کیمی، ای بیستون، من هم قرار ائتمزمیدیم؟
نیشه محرم ائیله دین شمعی، منی محروم ائدیب،
من سنین بزمینده جان نقدین نثار ائتمزمیدیم؟
دردیمی عالمده پنهان توتدوغوم ناچاردیر،
اوغراسایدیم بیر طبیبه، آشکار ائتمزمیدیم؟
یارایله اغیاری همدم گؤرمگه اولسایدی صبر،
ترک غربت ایله‌ییب، عزم دیار ائتمزمیدیم؟
واعظین کفرین منیم رسوالیغمدان قیل قیاس،
اوندا صدق اولسایدی، من تقوا شعار ائتمزمیدیم؟
اول گل خندانی گؤرمک ممکن اولسایدی منه،
سن تک، ای بلبل، گلستانه گذار ائتمزمیدیم؟
ای فضولی، داغ هجران ایله یانمیش کؤنلومی،
لاله زار آچسایدی، سیر لاله زار ائتمزمیدیم؟