بیر سپهرم سایرم، ثابت جمیع اختریم

هر حباب اشکیمه بیر عکس سالمیش پیکریم،
شاه ملک محنتم، توتموش جهانی لشکریم.
اهل قدرم یانه لی عشق اودونا پروانه وش،
سورمۀ چشم ایلمیش لر شمع لر خاکستریم.
جسمیمی یاقدینسا، پامال ائتمه کؤنلومدن، ساقین،
گلخنم، اکسیک دئگیل خاکستریمده اخگریم.
عشق سرگردانییم، کؤکسومده مین مین داغ وار،
بیر سپهرم سایرم، ثابت جمیع اختریم.
چشم تار جسمیمه دوزموشدو اشکیم گوهرین،
آه کیم، چرخ اوزموش اول تاری، داغیلمیش گوهریم.
نولا هر ساعت اود اوستونده دورارسام دود تک،
عود بزم عشقم، آتش دیر بساط و بستریم.
ای فضولی، چوخ ملامتدن منی منع ائتمه کیم،
من نهال گلشن دردم، ملامت دیر بریم.