دور فلک میسر ائدیب دیر مرادیمی

جانلار وئریب، سنین کیمی جانانه یئتمیشم،
رحم ایله کیم، یئتینجه سنه جانه یئتمیشم.
شکرانۀ وصالینه جان وئردیگیم بو کیم،
چوخ درد چکمیشم کی، بو درمانه یئتمیشم.
حالیم دئییب، مرادیما یئتسم عجب دئگیل،
بیر بنده یم کی، درگه سلطانه یئتمیشم.
مور محقرم کی، سراسیمه چوخ گزیب،
ناگاه باریگاه سلیمانه یئتمیشم.
بیر بلبلم کی، گلشن اولوبدور نشیمنیم،
یا طوطییم کی، بیر شکرستانه یئتمیشم.
دور فلک میسر ائدیب دیر مرادیمی،
گویا کی، طالب گهرم، کانه یئتمیشم.
مسکین فضولییم کی، سنه توتموشام اوزوم،
یا بیر کمینه قطره کی، عمّانه یئتمیشم.