التماس ائتدیم صبادن توتیا چکدیرمه یه

بار محنتدن نهال قامتین خم اولماسین،
باشیمیزدان سایۀ سرو قدین کم اولماسین.
گؤرمسم رخسار و قد و چشم و زلفون دمبدم،
عمروم اون سیز بیر زمان، بیر لحظه، بیر دم اولماسین!
گرد راهین عزم گردون ائتدی کیم، بو قدرایله،
شهرۀ عالم همین عیسی مریم اولماسین.
التماس ائتدیم صبادن توتیا چکدیرمه یه،
آغلاما، ای گؤز، غبار درگهی نم اولماسین.
سن تک آفت گلدیگین بیلمیشدی کیم، حقدن کیم ملک
التماس ائیلردی کیم، عالمده آدم اولماسین.
دیر ایمیش زاهد کی، اولماق عیب دیر رسوای عشق،
بو سؤزو فاش ائتمه سین، رسوای عالم اولماسین.
ای فضولی، ذوق درد عشقه نقصان حیف دیر،
احتیاط ائت، پنبۀ داغینده مرهم اولماسین.