دمبدم جانیمی، ای درد و بلا، اینجیتمین

۲۵۲ گؤر سرشکیم شب هجران، دئمه کیم، قان دیر بو،
ذره ذره شر آتش هجران دیر بو.
سانمانیز قانلی دوگون، سینه دلوب، باش چکمیش،
شعلۀ آتش آه دلسوزان دیر بو.
کسمه امید، کؤنول، باشنا جیزگینمک دن،
اولا ناگه دوشه فرصت اله، دوران دیر بو.
دمبدم جانیمی، ای درد و بلا، اینجیتمین!
لطف ائدین بیر ایکی دم کیم، سیزه مهمان دیر بو.
نه یاقیرسان اوخون، ای آتش دل، وصل گونو،
بیزه هجران گئجه سی شمع شبستان دیر بو.
کؤنول ایستر آلا بیر بو سر زلفوندن، لیک،
وئرمه دن جان دیلر آلماق، سانیر آسان دیر بو.
دون دئمیشسن کی، فضولی منه قربان اولسون!
سنه قربان اولاییم، یئنه نه احسان دیر بو.