ترحم قیل بوکولموش قددیمه، وهم ائیله آهیمدن

نهال درد دیر مجنون، یئر ائتمیش سایه سین آهو،
باشیندا قوش یواسی برگ، ایاغینده سلاسل سو.
منه زال فلک چکدیردی اول موی میان جورون،
گؤرون بیر تار موئی نئجه اژدر قیلمیش اول جادو.
اولور میل دل افزون آستانین داشنا هر دم،
اگرچی رسم دیر یاصدقدن اکراه ائیله مک سایرو.
ترحم قیل بوکولموش قددیمه، وهم ائیله آهیمدن،
ساقین چیخمایه ناگه یای دن اوخ، ای کمان ابرو.
ندیر، – دئدیم، رخ صافینده عکس مردم چشمیم؟
دئدی: گلمیش گمیله رومه، دریا قطع ائدیب، هندو.
قاشین یایی فراغیندن خدنگین کیمی اینجلدیم،
نئجه بیر چکدیر عشقین منه ظلمون، نه گوج دور بو؟
فضولی، آیری دوشدین یاردن، صبر ائتمه یه یئر یوخ
دوشوب صحرایه افغان ائیله‌دیم سن آیرو، من آیرو.