عارضینله قد خوشرفتارین ائیلر آرزو

بلبل دل گلشن رخسارین ائیلر آرزو،
طوطی جان لعل شکّربارین ائیلر آرزو.
نامه و قاصد پیامیله خوش اولماز خاطریم،
اؤز لبیندن لهجۀ گفتارین ائیلر آرزو.
سرو گل نظاره سین نئیلر سنه حیران اولان،
عارضینله قد خوشرفتارین ائیلر آرزو.
آرزو ائیلر کی، من تک متصل بیمار اولا،
کیم کی، وصل نرگس بیمارین ائیلر آرزو.
ظلمت هجرینده باخماز شمعه چشمیم مردمی،
پرتو رخسار پر انوارین ائیلر آرزو.
هجر بیماری تنیم باد صبادن دمبدم،
صحت ایچون صحت دیدارین ائیلر آرزو.
آرزومند وصالین دیر فضولی خسته دل،
وصلین ایستر، دولت دیدارین ائیلر آرزو.