توتوشدوم آتش دلدن، جگر قانیله غرق اولدیم،

اگر چیخسایدی دردین جسمدن، دئردیم کی، جان دیر بو،
نه حاجت دردینی یکدردیمین جاندان، عیاندیر بو.
دمادم خوبلار جورایله آرتار لذتی عشقین،
یامان دیر بو کی، تحقیق ائتمه‌دین دئرلر یامان دیر بو.
خدنگی سایه سینده خوش کئچیر اوقاتینی، ای دل
کی، گلزار حیاتین زینتی سرو روان دیر بو.
توتوشدوم آتش دلدن، جگر قانیله غرق اولدیم،
اگرچی بیر شراره اود دور اول، بیر قطره قان دیر بو.
جهان اوزره خدنگ کاکیلیندن فتنه‌لر دوشموش،
قیامت ابتداسی، فتنۀ آخرزمان دیر بو.
دئدی لر بی خبرلر: باغ جنّت کویینه بنزر،
خبر وئردی منه آندان گلن آدم، یالان دیر بو.
فضولی، قیلدی فریاد و فغانیم تیره گردونی،
هنوز، اول ماه سورماز کیم، نه فریاد و فغان دیر بو؟