یوخ نهایت سر کویینده گزن رسوایه

عاشق اولدیم یئنه بیر تازه گل رعنایه
کی، سالیر آل ایله هر دم منی یوز غوغایه.
لت اوروب قالیب فرسوده کیمی حبس قیلیر،
گه سراسیمه و عریان بوراخر صحرایه.
بو نه ایشدیر کی، منی ایگنه کیمی اینجلدیب،
سالیر ایپلیک کیمی هر دم بیر اوزون سئودایه.
آیاغین باغلامیش آواره‌لرین صنعت ایله،
یوخ نهایت سر کویینده گزن رسوایه.
لخت لخت اولموش ایکن غمزه درفشینی چکیب،
چاره ساز اولمادی بیر گون من غم فرسایه.
یوزومون قان ایله کیمخانی آل ائتدیم کیم،
آلت صنعت اولا اول بت بی پروایه.
یاخا چاک ائدنی باشماق کیمی سالیر آیاغا،
ای فضولی، باخ اونون ائتدیگی استغنایه.