نور مهر و ماهتاب

سن اوزوندن عالمی روشن قیلیب سالدین نقاب،
یازییا* سالسین بو گوندن بؤیله نورین آفتاب.
سن نه نور پاکسن، ای مظهر نور ایلاه،
کیم، آلیر شمع رخوندن نور مهر و ماهتاب.
عکس رویین سویا سالمیش سایه، زلفون توپراغا،
عنبر ائتمیش توپراغین آدین، سویون اسمین گلاب.
یئلده بولموش بوی زلفون، سودا عکس عارضین
کیم، یئلی باغرینا باسمیش، سویا گؤز دیکمیش حباب.
لعلگون مئیدیر الینده ساغر سیمین ایله،
یا نیگین لعل دیر، رشک لبیندن اولدی آب؟
کیلک قدرت لوح سینمده سنی قیلمیش رغم،
ایله‌ییب محبوب لر مجموعه سیندن انتخاب.
ای فضولی، هر عمل قیلسان خطا دیر، غیر عشق،
بودورور من بیلدیگیم، “والله اعلم بالثواب”**
—————————————————
* صحرایا
** دوغروسونو الله داها یاخشی بیلر