بلبل زارم، دئگیل بیهوده افغان ائتدیگیم

یاندی جانیم هجرایله، وصل رخ یار ایسترم،
دردمند فرقتم، درمان دیدار ایسترم.
نولا گر قیلسام شب هجران تمنای اجل،
نئیلییم، چوخدور غمیم، دفعینه غمخوار ایسترم.
چون بقا بزمینده دیر دلدار، من هم دورمازام
بو فنا دئیرینده، بزم وصل دلدار ایسترم.
بلبل زارم، دئگیل بیهوده افغان ائتدیگیم،
قالمیشام نالان قفس قیدینده، گلزار ایسترم.
دهر بازاریندا کاسیددیر متاع همتیم،
بو متاعی ساتماغا بیر اؤزگه بازار ایسترم.
فانی اولماق ایسترم، یعنی بلای دهردن
راحت جسم ضعی جان بیمار ایسترم.
ای فضولی، ایستمز کیمسه رضا سیلن فنا،
من کی، بوندان اؤزگه بیلمم چاره، ناچار ایسترم