توتماق اولماز بؤیله سیلابین یولون توپراغیلن

کوهکن کند ایلمیش مین تیشه نی بیر داغیلن،
من قوپاریب سالمیشام مین داغی بیر دیرناغیلن.
غم یولوندا من قالیب، گئتدیسه مجنون، یوخ عجب،
سایرویه دشوار اولور همره لیک ائتمک ساغ ایلن.
گرد راهین وئرمه سه گؤز یاشینه تسکین، نولا.
توتماق اولماز بؤیله سیلابین یولون توپراغیلن.
غم اوغورلار عشق بازاریندا نقد عمرونی،
قیلماق اولماز سود سوداده یامان اورتاغیلن.
روضۀ کویینده بولموش دور فضولی بیر مقام
کیم، اونا جنّت قوشو یئتمز مین ایل اوچماغیلن