بس کی، باتمیش دیر اوخون سینۀ سوزان ایچره

باته لی قانه اوخون دیدۀ گریان ایچره،
بیر الف دیر ساناسان کیم، یازیلیر قان ایچره.
یئریدیر سینۀ سوزانیما کلخن دئسه لر،
بس کی، باتمیش دیر اوخون سینۀ سوزان ایچره.
جانی تن ایچره نه ساخلاردیم اگر بیلسه ایدیم
کی، دئگیل گیزلی غم لعل لبین جان ایچره.
آلا گر اوخلارینی دیده لریمدن، ای دل،
حیف دیر، اولمایا ناگه ایته مژگان ایچره.
چاک کؤنلوم یاراسیندا یاراشیر پیکانین،
عقد شبنم خوش اولور غنچۀ خندان ایچره.
قدینه سرو دئمیش، غنچه‌لرین وصفیندن،
دوراماز باد صبا هیچ گلستان ایچره.
ای فضولی، کیمه سوز دلیمی شرح ائدرم،
یوخ منیم کیمی باتان آتش هجران ایچره