فقر ملکون توت

منحرف دیر، ساقیا، اندوه دوراندان مزاج،
باده توت کیم، علت اندوهه غفلت دیر علاج.
فقر ملکون توت، گر استغناده ایسترسن کمال،
سلطنتدن کئچ کیم، اول وادیده چوخدور احتیاج.
چکمه تخت و تاج قیدین، بی سر و پالیق گؤزت
کیم، ایاغه بنددیر تخت و بلا دیر باشه تاج.
ترک تجرید اختیار ائت کیم، دیار عشقده
فقر بازارینه اسباب فنادن دیر رواج.
بیر پری زلفون توتوب، خالیندن آل بوی مراد،
توت کی، چین ملکینی توتدون، هند دن آلدین خراج.
نقش زایل دیر، اومور دهره قیلما اعتبار،
اولسا حاصل فقردن حزن عنادن ابتهاج.
ای فضولی، من ملامت ملکونون سلطانییم،
برق آهیم تاج زر، سیم سرشکیم تخت عاج.