سر زلفونده هر مو، صید قیلمیش بیر دل سوزان

قاراردیر آفتابی سایه چکسن پرده رخساره.
دیرلدیر غنچه خلقی، درج لعلین گلسه گفتاره،
سنه بیر سؤز دئیینجه کئچدی عمروم حسبته الله*،
سوالیم کام دل وئرمکده محتاج ائتمه تکراره.
دل صد پاره ئی جمع ائیله مک کویینده مشکل دور،
اولورمو جمعه قابل، هر ایتین آغیزیندا بیر پاره!
سر زلفونده هر مو، صید قیلمیش بیر دل سوزان،
دوشوبدور، سانه سن، بیر شعله اود شمع اوزره هر تاره.
تمنای وصالینچون دئگیل گیریم، بودور قصدیم
کی، سیل اشک دن یئر قالمایا کویینده اغیاره.
باشیم قالدیرماسین خاک رهیندن، سرنگون چکسین،
چکر اولسا مصور صورتیم کویینده دیواره.
فضولی، ضعف تن عذریله کسمه نالۀ زارین،
بیزی چون چنگ تک معتاد قیلدین نالۀ زاره.
* الله ایچون