اگر سو دامنین توتدوم، روان دؤندردی اوز مندن

وفا هر کیمسه دن کیم، ایستدیم، اوندان جفا گؤردوم،
کیمی کیم، بو فنا دنیادا گؤردوم، بیوفا گؤردوم.
مکدّر خاطریمدن قیلمادی بیر کیمسه غم دفعین،
صفادان دم اوران همدم لری اهل ریا گؤردوم.
کیمه کیم، دردیمی اظهار قیلدیم، ایسته‌ییب درمان،
اؤزومدن هم بئتر بیر درده اونی مبتلا گؤردوم.
اگر سو دامنین توتدوم، روان دؤندردی اوز مندن،
و گر گوزگودن اومدوم صدق، عکس مدعا گؤردوم.
آیاق باسدیم ره امیده، سرگردانلیق ال وئردی،
امل سرشته سین توتدوم، الیمده اژدها گؤردوم.
منه گؤستردی گردون تیره بختیم کوکئبین یوز گز،
من بدبخت اونا هر گاه کیم باخدیم، قارا گؤردوم.
فضولی، عیب قیلما اوز چئویرسم اهل عالمدن،
ندن کیم، هر کیمه اوز توتدوم، اوندان یوز بلا گؤردوم