من کیمی مجنون اولوب

غالباً بیر اهل دل توپراغیدیر درد شراب
کیم، قیلیب حرمت، بنالر دوتموش اوستونده حباب.
برق و باران سانما کیم، گؤردوکده آه و اشکیمی،
بیلمزم نم دیر منیم، آغلار منه، یانار سحاب.
ای سوران حالیم، بو استغنا سئوالیندن نه سود؛
حالیم ائیلرسن سئوال، امّا ائشیتمزسن جواب.
دشت غمده خاک قبریم اوزره سرو گردباد
چکسه باش، اول سرو دن سو کسمه، ای سیل سراب.
یئتمه‌ییب سن وصلینه لیلی وشین، بیر عمردور
من کیمی مجنون اولوب صحرایه دوشموش آفتاب.
اول بت ابروسین قویوب محرابه دؤندرمن اوزوم،
قوی منی، زاهد، مانا چوخ وئرمه تانریچون عذاب.
نقد عمرون بیر صنم عشقینده صرف ائتدین تمام،
ای فضولی، آه، اگر سندن سورولسا بو حساب!