قیامتده

اوجالدین قبریم، ای بیدردلر، سنگ ملامتدن
کی، معلوم اولا درد اهلینه قبریم اول علامتدن.
مزاریم اوزره قویمون میل، اگر کویینده جان وئرسم،
قویون بیر سایه دوشسون قبریمه اول سرو قامتدن.
گؤرن ساعتده اول قامت قیامین، قییمادیم جانه،
قیامت هم گله قورتولمایام من بو ندامتدن.
قیامتده حسابی اولمایانلاردان دیر اول غافل
کی، فرق ائیلر فراقین صبحینی شام قیامتدن.
طریق صبر و تدبیر سلامت لذتین بیلمن،
منه عشق و ملایک یئنه گلیر صبر و سلامتدن.
طبیعت انحرافین گؤر هوای عشقدن تنده،
علاج ائت دوشمه سون، ساقی، مزاجیم استقامتدن.
فضولی، کئچ ملامت کوچه سیندن، صبر کوییندن،
فراغت اولمایان یئرده سفر یئنه دیر اقامتدن