زامان زامان

چراغ گؤی دوری جک آتش نهانیمدن،
فیتیله سین قیلیرام مغز استخوانیمدن.
آچیلدی گیرمگه غم، جان ائوینه روزن لر،
چکنده اوخلارینی جسم ناتوانیمدن.
اوخون تصرف ائدیب جسمی، قصد جان ائتدی،
نولئیدی رحم قیلیب کئچمسیدی جانیمدن.
بیر ایگنه ائتدی منی ضعف، رشتم اول قان دیر
کی، متصل تؤکولور چشم خون فشانیمدن.
ادای شکر خدنگین دیر اول صدا کی، چیخار،
زامان زامان تؤکولن قطره قطره قانیمدن.
اوخون مصاحبتیله کئچر خوش اوقاتیم،
هلاک اولوردوم اگر تپرنه یه‌دی یانیمدن.
غم نهانیمی ائیلر، فضولی، ائللره فاش،
ایکن عذابده یم ناله و فغانیمدن.