دیل اولدی داغ

اگر مراد ایسه وئرمک صفای جوهر روح،
فلک مثال یوروت ساغر شراب صبوح.
بویورما توبه منه اول شراب دان ناصح
کی، گؤرسه اونی توتار جزم ترک توبه نصوح.
هجوم غمده منه اونی ائتدی ذورق مئی
کیم، ائتمه‌دی اونی طوفان اولاندا کشتی نوح.
مدام چشمیمه قان دولدورور خدنگ غمین،
یوا باشیمدا توتان قوشلاری ائدیب مجروح.
دیل اولدی داغ فراقینله شرحه شرحه، ولی
نه سود، چون سنه اولمادی حال دل مشروح.
تنیمده سانجی لی ناوک لرینله شادم کیم،
در بلا بو کلید ائیله دیر منه مفتوح.
فضولی اولدی بئلین فکری ائیله موی مثال،
هنوز بولمادی اول شرح احتمال وضوح.