بیر بنا دیر دولتین، اولموش پناه خاص وعام

۲۴۸ جمع کؤنلون دور جوروندن پریشان اولماسین،
چرخ فرمانینلا گزمک دن پشیمان اولماسین.
بیر ایشی، گؤگ جنتی رأیینله هر دم دونمسه،
هفت اقلیم و دوقوز گردون گردان اولماسین.
بیر بنا دیر دولتین، اولموش پناه خاص وعام،
اول بنا، یارب، جهان اولدیقجا ویران اولماسین.
قیلماسا عالم مرادینجا مدار، اولسون خراب،
اولماسا دوران سنین رأیینله، دوران اولماسین.
جیزگینیرکن دوست لر کامینجا فرمانینده چرخ،
حاکم تقدیردن تغییر فرمان اولماسین.
تابع اولسون جملۀ عالم سنین فرمانینا،
جملۀ عالمده سندن غیری سلطان اولماسین.
لحظه لحظه گلشن محدینده گویا اولماسا،
بلبل نطقی فضولی نین خوش الحان اولماسین.