سحر بلبل لر

مقوّس قاشلارین کیم، وسمه بیرله رنگ توتموشلار،
قیلینج لاردیر کی، قانلار تؤکمک ایله رنگ توتموشلار.
قیلیب تغییر صورت وسمه دن یغما قیلیرلار دل،
حرامی قاشلارین رسم و ره نیرنگ توتموشلار.
کؤنول میراتینی ائیلر مکدّر عقل تکلیفی،
خوش اول بیباک لر کیم، ترک نام و ننگ توتموشلار.
خزان عمردن گویا دئگیل لر غنچه تک واقف
اولار کیم، اؤزلرین دنیا ایچون دلتنگ توتموشلار.
منم، کیم سنگسار محنتم بازار عشق ایچره،
بلا داغی چکن فرهاد ایله هم سنگ توتموشلار.
لبین دورونده زاهدلر توتوب میخانه‌لر کنجون،
قیلیب تسبیح تارین ترک، زلف چنگ توتموشلار.
سحر بلبل لر افغانی دئگیل بیهوده گلشنده،
فضولی نالۀ دلسوزنه آهنگ توتموشلار.