تا اسیر حلقۀ گیسوی مشک افشانینم

ای کمان ابرو، شهید ناوک مژگانینم،
بولموشام فیض نظر سندن، سنین قربانینم.
کاکیلین تارینه پیوند ائتمیشم جان رشته سین،
باشین ایچون، بیر ترحم قیل کی، سرگردانینم.
نولا قیلسام ترک مئی، منت قیلیب زاهدلره،
نئیلرم مئی نشاء سین، من کیم، سنین حیرانینم.
شانه وش یوز ناوک غم سانجیلیب دیر جانیمه،
تا اسیر حلقۀ گیسوی مشک افشانینم.
ال چکیب، قطع نظر قیلمیش علاجیمدان طبیب،
بیلدی گویا کیم، خراب نرگس فتانینم.
جانه میلین وار ایسه، حکم ایله، تسلیم ایلییم،
شاه سن سن، من سنین بیر بندۀ فرمانینم.
غنچه قیلماز شاد و گل آچماز توتولموش کؤنلومی،
آرزومند رخ آل و لب خندانینم.
قان ائدیب باغریم، ایشیم آه ائتمه هر دم، ای فلک،
حرمتیم توت بیر ایکی گون کیم، سنین مهمانینم.
ای فضولی، آتش آه ایله یاندیردین منی،
غالباً ساندین کی، شمع کلبۀ احزانینم.