گه آشاغا، گه یوخارو یوگوروب جانلار چکر

وه نه دیر اول طایر فرخنده بال و تیزپر
کیم، اولور بیر طرفه عین ایله هر دم جلوه گر؟
آغزی آچیق، چیخماز آوازی، آیاغی یوخ، یورور،
جان ایلن دیر سیری، امّا دئمک اولماز جانور.
بیر دمیردن داشلی دیوارایله مستحکم حصار.
بیر اساس قیر ایلن قایم، بینای معتبر.
یئنگی آیدیر هیئتی، اما یئنی آیلار کیمی
بدر اولماز، نئجه کیم، گؤی اوزره سرگردان گزر.
عادتی اوچماق دیر، اما قوشلارین عکسی مدام،
اوچا بیلمز متصل بال و پری اولماسا تر.
گه زکریا کیمی چکمیش چوخ جفالر بیچقی دان،
گه بت آذر کیمی اولموش گرفتار تبر.
بوینو باغلی بیر قارا قول دور هواسی قاچماغا،
بولدوغون آلیب قاچار، ساخلاماسان شام و سحر.
بیر مبصر دیر کی، دایم دیدۀ حیرت آچیب،
آسمان تحقیق احوالینه سالمیش دیر نظر.
ساییلیر پهلولری نین استخوانی ضعف دن،
بؤیله ضعف ایلن آغیر یوکلر چکر، ائیلر هنر.
یئرده گزمز وحش تک، اما یورور اوندان روان،
گؤیده اوچماز طیرتک، اما اوچار اوندان بئتر.
گر بوکولموشدور قدی، عیب ائیله من، بیر پیردیر،
نوح دؤروندن وئرر بیر – بیر، سئوال ائتسن، خبر.
باش آچیب یاغم ورلارا، سویا باتیرمیش کسوتین،
یاش اوشاق دیر، لوحی ساده، هیچ بیلمز خیر و شر.
جانی یوخ، لاکین رضای خلق حاصل قیلماغا
گه آشاغا، گه یوخارو یوگوروب جانلار چکر.
دیوه بنزر، گزدیرر باشدا سلیمان تختینی،
یوخسا کان دیر، ساخلانیر کؤکسونده قیمتلی گوهر؟
یوخسا ذورق دیر، اونی قیلمیش مرتب سیر ایچون
ویس بی حضرتلری، اول شهریار نامور!. .
ای بقای عز و جاهین موجب تمکین ملک،
وی ثنای لطف و قهرین منشأ نفع و ضرر.
خاک پاییندن اگر بیر ذره تاپسایدی صدف،
بسلمزدی ارتفاع قدر ایچون مطلق گوهر.
اؤیله امنیت دیر ایامیندا کیم، منعم لرین،
عشرت اسرافیندان اؤزگه مالینا یوخدور خطر.
تیشۀ بنّایه وئردی ارۀ نجار دون:
ظلموموزدن هم حجر آسوده اولدی، هم شجر.
اؤیله کیم عدلون ضرر رسمین گؤتوردو ملک دن،
احتیاط ایچون گرکمز کیمسه یه دیوار و در.
دوشمه نین مغلوب اولوب دایم ظفر بیلمز نه دیر،
سن قاچان کیم عفو قیلسان اول سانور اونی ظفر.
یول آپارسایدی سنین احسانینا بیر ذره جه،
آفتابین منتین چکمزدی نور ایچون قمر.
ذوق ایچون شوقون تاپیب سرمست اولان عارف لره
حاجت اولماز جام می ایچمک، سنین شوقون یئتر.
شام بزمین اؤیله روشن دیر کی، هر کیم شمع تک
تاپسا اونون ذوقونو، قیلماز تمنای سحر.
وصف ذاتین حدن افزون دور، شها، معذور توت
کیم، قیلیر ابرام خوفیندن فضولی مختصر.
وار امیدیم، تا بو دریا اوزره کشتی هلال
گاه گشت خاور ائیلر، گاه سیر باختر.
باختردن خاوره اولسون صلای صولتین،
شهرتیندن اولماسین خالی فضای بحر و بر.