اطراف کایناته خبر قیلماغا گونش

بیر گون کی، جُند شام ایله جنگ ائتدی آسمان،
اولدی بروج قلعۀ گردوندا چوخ قِران.
آلدی الینه تیغینی بهرام دادگر،
باروی چرخه چیخدی نبرد ائتمه یه همان.
حفظ ائتمه یه قلاعینی قات – قات فلک لرین،
اول گئجه بام چرخه زحل اولدی پاسبان.
اطراف کایناته خبر قیلماغا گونش،
اود یاخدی اوج قلعۀ گردونه ناگهان.
توپ آتمیش ایدی قلعۀ گردونه خیل شام،
اولدی لوای خسرو خاور همان عیان.
میندی تکاور فلکه عزم رزم ائدیب،
آلدی اشعه دن الینه تیغ زرنشان
قیلیب جناج میمنه سین تار و مار ائدیب
اولدی عدم ممالکینه شبروان روان.
سلطان صبح بؤیله یوز آغلیق ائدرمیدی،
گر اولماسا پناهی وزیر شه جاهان؟
فهرست کارنامۀ تکوینۀ سپهر،
مقصود کارخانۀ ابداع کون فکان.
آصف صف زمان، سلیمان شرق و غرب،
سر عسکر و مدبر و پاشای کامران.
بو عز و شوکتی کی، سنه وئردی حق، شها،
لایق اؤنونجه اولسا اگر اردوان دوان.
گؤرسه مهابتینی، ایا رستم زمان،
قهریندن ایستر ایدی سنین قهرمان امان.
خصمین قفاسی قلۀ قاف اولسا، فی المثل،
خُرد ائده ضرب دستین ایله شئشپر گران.
هندوی مقبل اولماغا قاپیندا دمبدم،
بیر کتخدا دورور سنه اسکندر زمان.
آلدی قانادی آتینا گردونو بیضه سان،
شهباز همتین اونا عرش اولدی آشیان.
بنزتدی وارسا کندینی رخش جلالینه
کیم، چرخ دونون اوستونه یول سوردو کهکشان.
ابراهیم اولدی آدین، ایا کان معدلت،
بو فقر آتشینی منه ائیله گلستان.
گلزار مدحینه اوچار ایکن کؤنول قوشو،
جان بلبلو بو شعرتری اوخودو همان:
آغزین حدیثینه آچاماز ذره جه دهان،
اسرار طبعه واقف اولان طبع خُرده دان.
ای سرو خوش خرام، ساقین، یولونا گلیر،
هر سویه سو کیمی گل آخیتما یاشیم روان.
گؤزدن چیخالی گلمه‌دی هئچ اینیمه یاشیم،
مردم کیمی کیم، ائیله یه کندو یئرینده قان.
جام صفایی سون دولو، ای پیر دئیر کیم،
بیر لحظه دؤورون آجیلیغین اونودوم همان.
مداح اولالی سانا، ایا معتبر جناب،
اولدی فضولی عرصۀ نظم ایچره پهلوان.
قالدیم آیاقدا غصه و محنتده، آل الیم،
ای شهسوار معرکۀ آخرالزمان.
رومون کمالی دیر، دئر ایدی مانا، خسروا،
گؤرسه کمال قدرتیمی اهل اصفهان.
ختم ایله داستانی، شروع ائت دعاسینه،
طول ائتمه گل حکایتی مانند قصه خوان.
تا حلقۀ سپهره هجوم ائیله یه نجوم،
تا کیم، نیام شبده اولا تیغ زرنشان،
تاخیب کمند گرده نینه حزب دستیله،
دولت قاپینا خصمی گتیره کشان کشان.
نشان فیضدیر اول نصرت و اقبال کیم، حالا
نه یانه عزم قیلسا رهبری تایید یزدان.
دل و جاندان فضولی عز و اقبالینه اول شاهین،
رضای حق ایچون دایم دعاگوی و ثناخوان.
چو اولدیر حامی اسلام، واجب دیر اونون مدحی،
نه کیم، مدحیندن اؤزگه سؤیلمیش اوندان پشیمان.
الهی، باقی اولسون دایم انسان پرور اقبالی،
جاهان فانی ایچره تا بقای نوع انسان.