منو
آخشام کؤلگه‌لری
آخشامین کؤلگه‌لری
آچیلار زانباق-زانباق.
تؤکولر سو اۆستونه
سایه‌لر یارپاق-یارپاق.
آخشاملار قؽزارارکن
سولارین حلقه‌سینده،
گؤرونر باغ و چمن،
گۆللرین پرده‌سینده.
گۆندوزون ایشیقلاری
اریرکن چشمه‌لرده،
سۆرونر داغا ساری
کؤلگه‌لر پرده-پرده.
گۆموش رنگ بولودلاردان
دوغارکن گؤزل مهتاب،
آچیلار سودا همن
فۆسونکار گۆموش سراب.
آچیلار زانباق-زانباق.
تؤکولر سو اۆستونه
سایه‌لر یارپاق-یارپاق.
آخشاملار قؽزارارکن
سولارین حلقه‌سینده،
گؤرونر باغ و چمن،
گۆللرین پرده‌سینده.
گۆندوزون ایشیقلاری
اریرکن چشمه‌لرده،
سۆرونر داغا ساری
کؤلگه‌لر پرده-پرده.
گۆموش رنگ بولودلاردان
دوغارکن گؤزل مهتاب،
آچیلار سودا همن
فۆسونکار گۆموش سراب.