منو
تهرانین یای گئجه‌لرینده
گئجه‌دیر... یای گئجه‌سی،
هاوا توتقون و جهنم کیمی یئره شؤعله ساچیر،
لامپانین توزلو و آل نوری بو منحوس گئجه‌ده،
شاعیره رهبر اولورکن ده، جۆنونه یول آچیر...
چک یانا پرده‌لری، آچ قاپی‌یی،
بولود آلتیندا گؤروم، توزلو آیی...
لامپایی گل آپار، آی تازه گلین!
قوی قارانلیقدا، خیالیم اوجالسین، اوچسون!
کؤنلوموز اولدو غریب اؤلکه‌ده خون!
هانی بیزلرده اولان ساده گئجه‌لر؟
آینایا بنزر اۆفوق، قؽرمیزی گۆن، عالی آی؟
یوخمو بو اؤلکه‌ده بیر زۆمزومه چای؟
بو یئرین کؤشنی یوخ، داشلی و قوملو چؤلو وار،
داشلی چؤللرده گزر چوخ جاوانلار!
گئجه‌دیر... یای گئجه‌سی،
گلمیشیک تبریزه بیز...
جان وئریر شهره نسلین نفسی،
اوجالیر آی، بو قؽزیل داغلاردان،
داغیلیر هر یئره گۆل راییحه‌سی،
کؤلگه‌ده گیزلی قالان باغلاردان.
هاوا توتقون و جهنم کیمی یئره شؤعله ساچیر،
لامپانین توزلو و آل نوری بو منحوس گئجه‌ده،
شاعیره رهبر اولورکن ده، جۆنونه یول آچیر...
چک یانا پرده‌لری، آچ قاپی‌یی،
بولود آلتیندا گؤروم، توزلو آیی...
لامپایی گل آپار، آی تازه گلین!
قوی قارانلیقدا، خیالیم اوجالسین، اوچسون!
کؤنلوموز اولدو غریب اؤلکه‌ده خون!
هانی بیزلرده اولان ساده گئجه‌لر؟
آینایا بنزر اۆفوق، قؽرمیزی گۆن، عالی آی؟
یوخمو بو اؤلکه‌ده بیر زۆمزومه چای؟
بو یئرین کؤشنی یوخ، داشلی و قوملو چؤلو وار،
داشلی چؤللرده گزر چوخ جاوانلار!
گئجه‌دیر... یای گئجه‌سی،
گلمیشیک تبریزه بیز...
جان وئریر شهره نسلین نفسی،
اوجالیر آی، بو قؽزیل داغلاردان،
داغیلیر هر یئره گۆل راییحه‌سی،
کؤلگه‌ده گیزلی قالان باغلاردان.