حیاتدا اۆمید

اۆمید اگر بو قارانلیق جاهاندا اولمازسا،
کیم آختاراردی حیاتین شفقلی چشمه‌سینی؟
حیاتین عشقی اگر اولماسایدی، خاطیره‌ده
اؤلوم کسردی سئوینجین گؤزل و شن سسینی.

اۆمید، کؤهنه شرابدیر کی، خلقی سرخوش ائدر،
اۆمید ایله قارا دۆنیا صفالی جنّت اولار.
اۆمید ایله گۆل آچار، باغچالار و قوشلار اوخور،
یاشیللانار قورو چؤللر، آخار، جوشار چایلار.

بشر گؤزون آچار، آچماز گۆلر، گۆلر دۆنیا
اۆفوق بیر آینا کیمی پارلاییب دا شؤوق سالار.
اۆمید غملی کؤنولده ایشیق ساچان گۆندور،
گؤرن ایشیقلی گۆنو، گؤرمه‌ییب ده کیم آغلار؟

حیاتی آنلاماییب کیم اؤلومله قهر اولسا،
سووورور جاهان، گۆل آچارکن باهاری ایبلیسین...
حیاتی آنلامایان ظۆلمه باش ایر، هئیهات!
حیات ظۆلمون اودوندا یانیب اولور بیتگین.