منو
زنجی
گۆنلرین بیر گۆنونده ائی قارا زنجی،
پالمالار آلتیندا رقص ائدردین سن.
آناناس و بانان توپلاماق اۆچون
مئشه‌لرین ایچینه گئدردین سن.
قورسارلار بیر گئجه دمیر آتاراق،
سوخولدولار سنین یاشیل یوردونا.
کومانی یاندیریب آتش آچدیلار،
بویادیلار ائلی قؽزیل قانینا...
بیر نئچه سرسری الده قؽرمانجلا
سنی دؤیه-دؤیه اؤنونه قاتدی.
هوللاندیالی تاجیر، یئنگی دۆنیادا،
بیر «زر خرید» دئیه — قؽزیلا ساتدی...
«یئنگی دۆنیا»دا او واخت مئشه‌لیک ایدی،
یئرلری باتاقلیق، هاواسی ایستی.
یالنیز هیندولارین کومالاریندان
اوجاقلار یانارکن چؽخاردی تۆستو.
ایسپانیا «دون»لاری گلینجه اورا
هیندولاری قوووب سۆرگون ائتدیلر.
چال ساققال کیشیلر مسیح یولوندا:
«انگیزییسونچیلر» یولون گئتدیلر.
سنه گلینجه او اینگیلیسلردی،
باشقا جۆر دۆشوندو... نفعینی کوودی.
پامبیق تارلاسیندا سنی ایشلدیب،
یئری گلینجه ده اتینی دیددی.
هر آی گمیچیلر زنجی داشی‌ییب
«جورجیا»یا گلن آغا ساتدیلار،
سنین اسیرین ائلین هر گۆن چوخالیب،
یئنی اسیرلری سنه قاتدیلار.
سیز آمریکانین قارا تورپاغین،
اؤز امگینیزله جنّت ائتدینیز.
حاقسیزلیق گؤرونجه آغ آغالاردان
اۆشندینیز بیر آز، نیفرت ائتدینیز.
اسکی زامانلاردان کؤله‌یمیش قارا،
خانلارین دؤورونده، زنگین گؤزونده
کؤله‌لیگی روا گؤرموشدو دینلر،
«کؤله» لفظی چوخدور شاعیر سؤزونده.
دوغرودور کی، سلجوق غولام اولورموش،
سارایدا، امیرله شراب ایچرمیش.
لاکین قارا زنجی یاکیجی گۆنده
بوستانی سوواریب، آلاق بیچرمیش.
یئنه ده شرقده بختیار ایدین،
سنه آغ قؽزینی باغیشلاردی خان.
غربده آغ قؽزا باخیب گۆلنده
سنی «کوکسلاکچیلار»آسدی آغاجدان.
او نجیب ایرقدن اولان اینگیلیس،
ایشی دۆشنده سنه قوجاق آچار.
بیر عؤمور سندن ایش چکر نهایت:
قوجالاندا سنی ایت تئک قووالار.
سن وحشی آدامسان، آغین گؤزونده...
آفریکادان گلمه یابانی کولسان.
سنی هانکی یئرلر اورا آپاریب؟
قارا گۆنلو ائدیب... زاواللی اینسان.
دؤیوشلرده سنی آغلار قؽردیلار،
دؤیوش اولمایاندا سنی گۆلله‌لر.
قؽزینی قاچیردیب، کومانی یؽخار،
قانین آخار اولار، امگین هدر.
آل بایراق قووزادین مئشه‌لیکلردن،
اسکی صاحیبلری قووالادین سن.
سنی یوخلاتمیشدی غربین جادوسو،
تیلسیم قؽریلدی، گؤزون آچدین سن.
اویانیق اول، آمان قارا قارداشیم!
اؤز یاشیل یوردونون قایغی‌سینا قال!
اسگی قورسارلار گئری دؤنرلرسه
ایلانی، قاپلانی جانلارینا سال.
اونلارین الینده اودلو سیلاح وار
سن ده سیلاح گؤتور، سن ده آچ آتش.
ایللرجه ظۆلمتده قالان اؤلکنده
یؽرتیلسین پرده‌لر پارلاسین گۆنش.
پالمالار آلتیندا رقص ائدردین سن.
آناناس و بانان توپلاماق اۆچون
مئشه‌لرین ایچینه گئدردین سن.
قورسارلار بیر گئجه دمیر آتاراق،
سوخولدولار سنین یاشیل یوردونا.
کومانی یاندیریب آتش آچدیلار،
بویادیلار ائلی قؽزیل قانینا...
بیر نئچه سرسری الده قؽرمانجلا
سنی دؤیه-دؤیه اؤنونه قاتدی.
هوللاندیالی تاجیر، یئنگی دۆنیادا،
بیر «زر خرید» دئیه — قؽزیلا ساتدی...
«یئنگی دۆنیا»دا او واخت مئشه‌لیک ایدی،
یئرلری باتاقلیق، هاواسی ایستی.
یالنیز هیندولارین کومالاریندان
اوجاقلار یانارکن چؽخاردی تۆستو.
ایسپانیا «دون»لاری گلینجه اورا
هیندولاری قوووب سۆرگون ائتدیلر.
چال ساققال کیشیلر مسیح یولوندا:
«انگیزییسونچیلر» یولون گئتدیلر.
سنه گلینجه او اینگیلیسلردی،
باشقا جۆر دۆشوندو... نفعینی کوودی.
پامبیق تارلاسیندا سنی ایشلدیب،
یئری گلینجه ده اتینی دیددی.
هر آی گمیچیلر زنجی داشی‌ییب
«جورجیا»یا گلن آغا ساتدیلار،
سنین اسیرین ائلین هر گۆن چوخالیب،
یئنی اسیرلری سنه قاتدیلار.
سیز آمریکانین قارا تورپاغین،
اؤز امگینیزله جنّت ائتدینیز.
حاقسیزلیق گؤرونجه آغ آغالاردان
اۆشندینیز بیر آز، نیفرت ائتدینیز.
اسکی زامانلاردان کؤله‌یمیش قارا،
خانلارین دؤورونده، زنگین گؤزونده
کؤله‌لیگی روا گؤرموشدو دینلر،
«کؤله» لفظی چوخدور شاعیر سؤزونده.
دوغرودور کی، سلجوق غولام اولورموش،
سارایدا، امیرله شراب ایچرمیش.
لاکین قارا زنجی یاکیجی گۆنده
بوستانی سوواریب، آلاق بیچرمیش.
یئنه ده شرقده بختیار ایدین،
سنه آغ قؽزینی باغیشلاردی خان.
غربده آغ قؽزا باخیب گۆلنده
سنی «کوکسلاکچیلار»آسدی آغاجدان.
او نجیب ایرقدن اولان اینگیلیس،
ایشی دۆشنده سنه قوجاق آچار.
بیر عؤمور سندن ایش چکر نهایت:
قوجالاندا سنی ایت تئک قووالار.
سن وحشی آدامسان، آغین گؤزونده...
آفریکادان گلمه یابانی کولسان.
سنی هانکی یئرلر اورا آپاریب؟
قارا گۆنلو ائدیب... زاواللی اینسان.
دؤیوشلرده سنی آغلار قؽردیلار،
دؤیوش اولمایاندا سنی گۆلله‌لر.
قؽزینی قاچیردیب، کومانی یؽخار،
قانین آخار اولار، امگین هدر.
آل بایراق قووزادین مئشه‌لیکلردن،
اسکی صاحیبلری قووالادین سن.
سنی یوخلاتمیشدی غربین جادوسو،
تیلسیم قؽریلدی، گؤزون آچدین سن.
اویانیق اول، آمان قارا قارداشیم!
اؤز یاشیل یوردونون قایغی‌سینا قال!
اسگی قورسارلار گئری دؤنرلرسه
ایلانی، قاپلانی جانلارینا سال.
اونلارین الینده اودلو سیلاح وار
سن ده سیلاح گؤتور، سن ده آچ آتش.
ایللرجه ظۆلمتده قالان اؤلکنده
یؽرتیلسین پرده‌لر پارلاسین گۆنش.