منو
سون سؤز
نه سؤیود کؤلگه‌سی آلتیندا، نه چای نزدینده،
نه یاشیل باغلار ایچینده، منی باسدیرما، ساکین!
و نه مرمردن اولان بؤقعه‌ده حبس ائیله منی،
قوی گؤی آلتیندا یاتیم، بیر دره‌ده، داغا یاخین...
سۆرخابین قؽرمیزی داغلار اتگینده بؤیودوم،
و اونون عطری منی مست ائله‌دی گنجلیکده...
سیرداشیمدیر او قؽزیل داغ و آغاجسیز دره‌لر،
گؤرموشوک بیز قارا گۆنلر، آجلیق، بیرلیکده.
سالمادی سئوگی منه سایه بو عالمده... اینان،
بیر خیال تک قورو چؤلده اریدیم هر آخشام.
من گۆنشلرله، ایشیقلارلا دانیشدیم، نه گرک،
قارا تورپاقدا قالام، کؤلگه‌لی یئرلرده مۆدام؟
قوی گؤی آلتیندا یاتیم، بوش دره‌ده، داغا یاخین،
هر سحر بیر قوش اویاتسین منی آهنگی ایله!
سۆرخابین داغ اتگینده، بوراخ، آسوده یاتیم،
اریییم من قوجاغیندا، بویانیم رنگیله...
نه یاشیل باغلار ایچینده، منی باسدیرما، ساکین!
و نه مرمردن اولان بؤقعه‌ده حبس ائیله منی،
قوی گؤی آلتیندا یاتیم، بیر دره‌ده، داغا یاخین...
سۆرخابین قؽرمیزی داغلار اتگینده بؤیودوم،
و اونون عطری منی مست ائله‌دی گنجلیکده...
سیرداشیمدیر او قؽزیل داغ و آغاجسیز دره‌لر،
گؤرموشوک بیز قارا گۆنلر، آجلیق، بیرلیکده.
سالمادی سئوگی منه سایه بو عالمده... اینان،
بیر خیال تک قورو چؤلده اریدیم هر آخشام.
من گۆنشلرله، ایشیقلارلا دانیشدیم، نه گرک،
قارا تورپاقدا قالام، کؤلگه‌لی یئرلرده مۆدام؟
قوی گؤی آلتیندا یاتیم، بوش دره‌ده، داغا یاخین،
هر سحر بیر قوش اویاتسین منی آهنگی ایله!
سۆرخابین داغ اتگینده، بوراخ، آسوده یاتیم،
اریییم من قوجاغیندا، بویانیم رنگیله...