منو
گئجه کئچمیش یاریدان
گئجه کئچمیش یاریدان گؤزوم یولدا... یوللاردا،
بو قارانلیق گئجه‌ده نه گئدن وار، نه گلن.
هاوا دورغون، یئل اسمز، پرده‌لری اوینادان
او قلمکار پرده‌یی — چاپقین خیال سنمیسن!
گئجه کئچمیش یاریدان... چؽراغیمین شؤعله‌سی
آلاقارانلیقلاردا بیر اولدوز تک سؤنمه‌ده.
گؤرمه‌دیم اوزاقدان سؤنوک ساری بیر اولدوز
طالعییمین اولدوزو اۆفوقلره یئنمه‌ده...
سحر اوزاق، یول اوزاق، تیلسیملی آرزولار،
ظۆلمتلرین ایچینده توزلو قالمیش، بوش قالمیش،
کاروان کئچمز او یولدان، آیدینلاتماز آی اونو،
بیر گئجه‌دیر کی، اونا آیریلیق کؤلگه سالمیش.
ساهیر، یالنیز دئییلسن، ماوی گؤیون آلتیندا،
گئجه‌لری یاتمایان و یوللارا گؤز دیکن.
بیر چوخلاری سنین تک ایتیب گئتدی بو یولدا،
سؤنوب کئچن کؤلگه تک، ساهیر، سن تک دئییلسن.
باشا چاتمیش بو گئجه، خوروز سسی اوجالیر،
یولو دومان بۆروموش، نه گئدن وار، نه گلن!
هاوا دورغون، یئل اسمز — پرده‌لری اوینادان،
بو آیریلیق چاغیندا، ای نازنین، سنمیسن.
بو قارانلیق گئجه‌ده نه گئدن وار، نه گلن.
هاوا دورغون، یئل اسمز، پرده‌لری اوینادان
او قلمکار پرده‌یی — چاپقین خیال سنمیسن!
گئجه کئچمیش یاریدان... چؽراغیمین شؤعله‌سی
آلاقارانلیقلاردا بیر اولدوز تک سؤنمه‌ده.
گؤرمه‌دیم اوزاقدان سؤنوک ساری بیر اولدوز
طالعییمین اولدوزو اۆفوقلره یئنمه‌ده...
سحر اوزاق، یول اوزاق، تیلسیملی آرزولار،
ظۆلمتلرین ایچینده توزلو قالمیش، بوش قالمیش،
کاروان کئچمز او یولدان، آیدینلاتماز آی اونو،
بیر گئجه‌دیر کی، اونا آیریلیق کؤلگه سالمیش.
ساهیر، یالنیز دئییلسن، ماوی گؤیون آلتیندا،
گئجه‌لری یاتمایان و یوللارا گؤز دیکن.
بیر چوخلاری سنین تک ایتیب گئتدی بو یولدا،
سؤنوب کئچن کؤلگه تک، ساهیر، سن تک دئییلسن.
باشا چاتمیش بو گئجه، خوروز سسی اوجالیر،
یولو دومان بۆروموش، نه گئدن وار، نه گلن!
هاوا دورغون، یئل اسمز — پرده‌لری اوینادان،
بو آیریلیق چاغیندا، ای نازنین، سنمیسن.