منو
گۆلمه
نه قدر آغلاسان آغلا! کی سنین آغلاییشین،
بو قارانلیق گئجه ایچره اریییب محو اولاجاق،
نه سنینچین ده، بو گؤیلرده، قؽزیل گۆن دوغاجاق...
گئجه‌نین قلبی قارا بیر داشا بنزر و گؤیون،
پرده‌ی-ظۆلمتی آلتیندا اریر آه و فغان...
سنین آنجاق او فغانیندی بو کؤنلومده قالان!
اوممایاردیم بو سمادان، بو یاشیل چارداغدان،
سنه بو اؤلکه‌ده قانون قارا بیر داخما وئریب،
خانا یؽلدیزلی سارایلار و یاشیل آسما وئریب!
یات بو ویرانه‌ده، حسرتلره قاتلان... گۆلمه!
گۆلمه! سولسون اۆرگینده آچیلان لاله‌لرین،
اؤل! کی سؤنسون او گۆنش رنگلی او خوش زۆلف-ترین...
نه قدر آغلاسان، آغلا کی، سنین ناله‌لرین
بو قارانلیق گئجه‌نین قلبی ایچینده اریییر.
کیمسه سورماز: — بو قارانلیقدا، بو سس، ناله نه‌دیر؟
بو قارانلیق گئجه ایچره اریییب محو اولاجاق،
نه سنینچین ده، بو گؤیلرده، قؽزیل گۆن دوغاجاق...
گئجه‌نین قلبی قارا بیر داشا بنزر و گؤیون،
پرده‌ی-ظۆلمتی آلتیندا اریر آه و فغان...
سنین آنجاق او فغانیندی بو کؤنلومده قالان!
اوممایاردیم بو سمادان، بو یاشیل چارداغدان،
سنه بو اؤلکه‌ده قانون قارا بیر داخما وئریب،
خانا یؽلدیزلی سارایلار و یاشیل آسما وئریب!
یات بو ویرانه‌ده، حسرتلره قاتلان... گۆلمه!
گۆلمه! سولسون اۆرگینده آچیلان لاله‌لرین،
اؤل! کی سؤنسون او گۆنش رنگلی او خوش زۆلف-ترین...
نه قدر آغلاسان، آغلا کی، سنین ناله‌لرین
بو قارانلیق گئجه‌نین قلبی ایچینده اریییر.
کیمسه سورماز: — بو قارانلیقدا، بو سس، ناله نه‌دیر؟