منو
مکتب خاطیره‌لری
او گۆنلر کی، گۆن بولودو سؤکردی،
یئل یوللارا بادام گۆلو تؤکردی،
شاعیر اولان دفترینی بۆکردی،
مدرسه‌یه، سحر ائرکن گئدردیک،
خان ناظیمه تکریم، تعظیم ائدردیک.
اونوتمارام، سویوق قؽشی، داغ، یایی،
قؽزیل گۆنو، صاف اولدوزو، آغ آیی.
قاجارلاردان قالان هر بیر میصراعی...
بیزی اورا خیابانی کؤچورتدو،
نوغول، نابات وئریب، شربت ایچیرتدی.
اوردا گۆنش پنجره‌نی بزردی،
گؤزللرین کؤلگه‌لری گزردی،
آینالاردان شعر، خیال سۆزردی،
یازیق اولسون او یالدیزلی ائولره!
لعنت اولسون اونو پوزان دیولره!
خاطیرلارام مدرسه‌نین باغچاسین،
گؤی آسماسین، چیچکلنن آلچاسین.
گیلاسلارین، زرّین تاغین، تاغچاسین،
«آیه‌یی یاس» اوخویانلار یادیمدا،
خیال تورو توخویانلار یادیمدا.
جاوانلیق آه، نه خوش گۆنموش، نه نعمت،
یادیمدادیر او منطیقلر و حیکمت
جام-جمله ناکام اولان گنج رۆفعت
(اسکی ادب خرابه‌یکن قورو یئر)،
ترویج ائتدی او ایلک دفعه یئنی شعر.
او اکدیگی آغاج ائل اویماغیندا:
چیچک آچیر بو گۆن شیراز باغیندا،
یئنی شعرین لاپ گۆللنن چاغیندا:
کیمسه دئمز تقی رۆفعت کیم ایمیش؟
شعر یازان درین حیکمت کیم ایمیش؟
یئنی شعر بار وئررکن خزاندا،
خوراساندا، ایصفاهاندا، تهراندا.
آنماز اونو کیمسه بۆتون ایراندا،
کیمسه اونا مرمر تۆربه تیکدیرمز!
تورپاغینی قوجاقلاماز یاشیل رز!
اؤیله شاعیر یوخموش آذر ائلینده،
جاواهیرمیش شعری تۆرکو دیلینده.
معریفت یوخ، یازیق تبریز اهلینده،
بو گۆن ظۆلمت بیزیم یوردو بۆروموش!
بیر چوخ رۆفعت تورپاق ایچره چۆروموش!
آتام منیم بدوی‌یمیش، کؤچری،
داروازادان بیر گۆن گیریب ایچری،
باغدان سوووب، آتلانارکن، چپری،
قؽزیلسولار محله‌سینده کؤک سالمیش،
دوه‌چیدن گؤزل، گؤیچک قؽز آلمیش!
آنام منیم اورتابویلو بیر خانیم،
سیاه ساچلی، «بایات» سویلو بیر خانیم،
دئییر، گۆلور، هایلی، هویلو، بیر خانیم،
زنجیره‌لی گۆله‌جه‌لر گئیردی،
«نوش-آفرین» ناغیلینی دئیردی.
هر سؤز باشی خومار باخیب گۆلردی،
زۆلفون تؤکوب باشین آستا ایردی،
قؽش گئجه‌سی بایاتیلار سؤیلردی.
روحا اوخشار اینجه سسی وار ایدی،
کؤنولونده شعر هوسی وار ایدی!
آنادیر کی، یاردیم ائدر شاعیره،
ناخیش وورار سویوق، قارا بیر یئره.
ایلهام وئرن بلکه اودور ساهیره،
آنالارین قوجاقلاری جنّتدیر،
بو دۆنیادا دوغما آنا نعمتدیر.
بیزیم ائوین آبیروسو وار ایدی،
الوان جاملی اوروسوسو وار ایدی،
قؽزیل رنگلی گؤزل سوسو وار ایدی،
کئچن گۆنلر، کئچن گۆنلر، خوش گۆنلر!
عؤمروموزدن قوپوب دۆشن بوش گۆنلر...
پاییز گۆنو قیریزانتیم آچمیشدی،
ساری گۆنش سولغون ایشیق ساچمیشدی،
گئتمیش ایدی آتام، یوخسا قاچمیشدی؟
گئتدی، افسوس بیر ده گئری دؤنمه‌دی،
اوجاغی‌نین اودو لاکین سؤنمه‌دی.
قورومادی باغچامیزین آغاجی،
دؤرد قارداشلار قالدیق، تکجه بیر باجی!
گاه گۆذران شیرین اولدو، گاه آجی،
هر بیر گۆنو گۆنلر اۆسته قالادیق،
یئتیملیکده بؤیویه‌رک یاشادیق.
من اؤزومدن داستان دئمک ایسته‌مم،
قضا-قدر چرخ-فلک ایسته‌مم!
دۆشمنلردن یاردیم، دیلک ایسته‌مم...
بیر شاعیرم، گئجه‌لری یاتمایان،
اؤز شعرینی قؽزیل پولا ساتمایان.
اوشاقلیقدا قارا یئرده سۆروندوم،
جاوانلیقدا درد-غمه بۆروندوم،
اۆفوقلرده سؽنیق آی تک گؤروندوم.
کۆردوستاندا گاه «میرزه»لیک ائله‌دیم،
ایستامبولدا بختیارلیق دیله‌دیم.
من یوردومو اؤزگه‌لره ساتمادیم،
خلعت آلیب اؤز ائلیمی آتمادیم،
مخمر، ایپک یاتاق اۆسته یاتمادیم،
قدر منه آجی شربت ایچیرتدی،
دۆشمن منی یاد ائللره کؤچورتدو.
بختیارلیق تکباشینا اولارمی؟
خالقین کؤنلو سئوینجیله دولارمی؟
جهنمده آچان گۆللر سولارمی؟
یالنیز اکن، یالنیز بیچن محو اولار؟
اؤزو تؤکوب، اؤزو ایچن محو اولار!
گلین دوستلار، بیز یاخیندان دانیشاق!
دوغما شعرین رواجیندا چالیشاق.
ائلیمیزین آتشی‌یله آلیشاق...
کاروان کئچر، یول اۆزره کول قالار،
باغچاباندان چیچک قالار، گۆل قالار.
زامان آتدی پرده‌لری آرادان،
سو کسیلدی، ایشدن دۆشدو دییرمان.
ائل گؤردو کی، کیم دوست ایمیش، کیم دۆشمان؟
بیر اۆزلری قارانلیغا اییلمیش،
اونلار گۆنباخان گۆلو دئییلمیش!
حۆرّیتدن ظاهیرده دم وورانلار،
های-کۆی سالیب ائل-اویماغی یورانلار.
خالق یولوندا دوزاق، کلک قورانلار...
بو گۆنه‌دک دورور شیرین اوردوسو!
گلیر ظۆلمت تانری‌سی‌نین گور سسی!...
گۆنوم کئچدی، اولدو قؽزیل گۆلوم خار!
شامع سؤنمکده، گئجه سویوق، منزیل دار!
بو باغلانان قاپیلاری کیم آچار؟
شعرین گؤروب، سنی آندیم، شاعیریم!
وطنداشی دئمه داندیم، شاعیریم!
یئل یوللارا بادام گۆلو تؤکردی،
شاعیر اولان دفترینی بۆکردی،
مدرسه‌یه، سحر ائرکن گئدردیک،
خان ناظیمه تکریم، تعظیم ائدردیک.
اونوتمارام، سویوق قؽشی، داغ، یایی،
قؽزیل گۆنو، صاف اولدوزو، آغ آیی.
قاجارلاردان قالان هر بیر میصراعی...
بیزی اورا خیابانی کؤچورتدو،
نوغول، نابات وئریب، شربت ایچیرتدی.
اوردا گۆنش پنجره‌نی بزردی،
گؤزللرین کؤلگه‌لری گزردی،
آینالاردان شعر، خیال سۆزردی،
یازیق اولسون او یالدیزلی ائولره!
لعنت اولسون اونو پوزان دیولره!
خاطیرلارام مدرسه‌نین باغچاسین،
گؤی آسماسین، چیچکلنن آلچاسین.
گیلاسلارین، زرّین تاغین، تاغچاسین،
«آیه‌یی یاس» اوخویانلار یادیمدا،
خیال تورو توخویانلار یادیمدا.
جاوانلیق آه، نه خوش گۆنموش، نه نعمت،
یادیمدادیر او منطیقلر و حیکمت
جام-جمله ناکام اولان گنج رۆفعت
(اسکی ادب خرابه‌یکن قورو یئر)،
ترویج ائتدی او ایلک دفعه یئنی شعر.
او اکدیگی آغاج ائل اویماغیندا:
چیچک آچیر بو گۆن شیراز باغیندا،
یئنی شعرین لاپ گۆللنن چاغیندا:
کیمسه دئمز تقی رۆفعت کیم ایمیش؟
شعر یازان درین حیکمت کیم ایمیش؟
یئنی شعر بار وئررکن خزاندا،
خوراساندا، ایصفاهاندا، تهراندا.
آنماز اونو کیمسه بۆتون ایراندا،
کیمسه اونا مرمر تۆربه تیکدیرمز!
تورپاغینی قوجاقلاماز یاشیل رز!
اؤیله شاعیر یوخموش آذر ائلینده،
جاواهیرمیش شعری تۆرکو دیلینده.
معریفت یوخ، یازیق تبریز اهلینده،
بو گۆن ظۆلمت بیزیم یوردو بۆروموش!
بیر چوخ رۆفعت تورپاق ایچره چۆروموش!
آتام منیم بدوی‌یمیش، کؤچری،
داروازادان بیر گۆن گیریب ایچری،
باغدان سوووب، آتلانارکن، چپری،
قؽزیلسولار محله‌سینده کؤک سالمیش،
دوه‌چیدن گؤزل، گؤیچک قؽز آلمیش!
آنام منیم اورتابویلو بیر خانیم،
سیاه ساچلی، «بایات» سویلو بیر خانیم،
دئییر، گۆلور، هایلی، هویلو، بیر خانیم،
زنجیره‌لی گۆله‌جه‌لر گئیردی،
«نوش-آفرین» ناغیلینی دئیردی.
هر سؤز باشی خومار باخیب گۆلردی،
زۆلفون تؤکوب باشین آستا ایردی،
قؽش گئجه‌سی بایاتیلار سؤیلردی.
روحا اوخشار اینجه سسی وار ایدی،
کؤنولونده شعر هوسی وار ایدی!
آنادیر کی، یاردیم ائدر شاعیره،
ناخیش وورار سویوق، قارا بیر یئره.
ایلهام وئرن بلکه اودور ساهیره،
آنالارین قوجاقلاری جنّتدیر،
بو دۆنیادا دوغما آنا نعمتدیر.
بیزیم ائوین آبیروسو وار ایدی،
الوان جاملی اوروسوسو وار ایدی،
قؽزیل رنگلی گؤزل سوسو وار ایدی،
کئچن گۆنلر، کئچن گۆنلر، خوش گۆنلر!
عؤمروموزدن قوپوب دۆشن بوش گۆنلر...
پاییز گۆنو قیریزانتیم آچمیشدی،
ساری گۆنش سولغون ایشیق ساچمیشدی،
گئتمیش ایدی آتام، یوخسا قاچمیشدی؟
گئتدی، افسوس بیر ده گئری دؤنمه‌دی،
اوجاغی‌نین اودو لاکین سؤنمه‌دی.
قورومادی باغچامیزین آغاجی،
دؤرد قارداشلار قالدیق، تکجه بیر باجی!
گاه گۆذران شیرین اولدو، گاه آجی،
هر بیر گۆنو گۆنلر اۆسته قالادیق،
یئتیملیکده بؤیویه‌رک یاشادیق.
من اؤزومدن داستان دئمک ایسته‌مم،
قضا-قدر چرخ-فلک ایسته‌مم!
دۆشمنلردن یاردیم، دیلک ایسته‌مم...
بیر شاعیرم، گئجه‌لری یاتمایان،
اؤز شعرینی قؽزیل پولا ساتمایان.
اوشاقلیقدا قارا یئرده سۆروندوم،
جاوانلیقدا درد-غمه بۆروندوم،
اۆفوقلرده سؽنیق آی تک گؤروندوم.
کۆردوستاندا گاه «میرزه»لیک ائله‌دیم،
ایستامبولدا بختیارلیق دیله‌دیم.
من یوردومو اؤزگه‌لره ساتمادیم،
خلعت آلیب اؤز ائلیمی آتمادیم،
مخمر، ایپک یاتاق اۆسته یاتمادیم،
قدر منه آجی شربت ایچیرتدی،
دۆشمن منی یاد ائللره کؤچورتدو.
بختیارلیق تکباشینا اولارمی؟
خالقین کؤنلو سئوینجیله دولارمی؟
جهنمده آچان گۆللر سولارمی؟
یالنیز اکن، یالنیز بیچن محو اولار؟
اؤزو تؤکوب، اؤزو ایچن محو اولار!
گلین دوستلار، بیز یاخیندان دانیشاق!
دوغما شعرین رواجیندا چالیشاق.
ائلیمیزین آتشی‌یله آلیشاق...
کاروان کئچر، یول اۆزره کول قالار،
باغچاباندان چیچک قالار، گۆل قالار.
زامان آتدی پرده‌لری آرادان،
سو کسیلدی، ایشدن دۆشدو دییرمان.
ائل گؤردو کی، کیم دوست ایمیش، کیم دۆشمان؟
بیر اۆزلری قارانلیغا اییلمیش،
اونلار گۆنباخان گۆلو دئییلمیش!
حۆرّیتدن ظاهیرده دم وورانلار،
های-کۆی سالیب ائل-اویماغی یورانلار.
خالق یولوندا دوزاق، کلک قورانلار...
بو گۆنه‌دک دورور شیرین اوردوسو!
گلیر ظۆلمت تانری‌سی‌نین گور سسی!...
گۆنوم کئچدی، اولدو قؽزیل گۆلوم خار!
شامع سؤنمکده، گئجه سویوق، منزیل دار!
بو باغلانان قاپیلاری کیم آچار؟
شعرین گؤروب، سنی آندیم، شاعیریم!
وطنداشی دئمه داندیم، شاعیریم!