اوغولداییر دلی یئللر

اوغولداییر دلی یئللر، بودور
چامور دامدا.
نه کؤز قالیبدی اوجاقدا
یاغیشلی آخشامدا.
کدرلی خاطیره‌لردی
کیتاب-کیتاب قالانیب
باغیم خزان اولاراق
یورد، یووام، ائویم تالانیب.
بوراخدیلار قارا یئل اسدی
شرقدن بیر گۆن.
نه قویدولار ائویمه، قؽش زامانی
گۆن دۆشسون...
نه قویدولار کی، اکین یاز چاغیندا
تئللنسین.
نه قویدولار غزلین سون باهاری
گۆللنسین.
خارابازار ائله‌دی اود دیارینی
افسوس،
قورو و ایستی دیاردان آخیب
گلن اوردو.
ائلیم اسیر اولاراق، اویماغیم کؤچوب
گئتدی.
و بو نانکور آغالار
ساتدیلار گؤزل یوردو.