منو
شاعیر سلیمان رۆستمه
بورادا تلقرافین
قؽریلیب چوخدان تئلی،
اسرکن «باغمئشه»دن
ائی سرین صبا یئلی.
گۆذار قؽل قاراباغا
باکی‌یا، هم شیروانا.
یئتیر ائل پیامینی
او عزیز سلیمانا.
مؤحتشم اول شاعیره،
بیزلردن سلام سؤیله.
دئینن کی، دینله‌ییریک
«شاعیرین سسین» هله.
ائی عزیز یورد قارداشیم،
دیله‌دین قارا زیندان
یؽخیلسین تملیندن
دیله‌دین بیزیم اؤلکه
گۆللنیب، اولسون گۆلشن.
لاکین ائی عزیز قارداش،
بو صفر گۆذار ائتسن
تبریزدن، مراغادان
هر یئرده گؤره‌جکسن
«گۆنشسیز، آیسیز زیندان».
حاصارا سالمیش ایبلیس
شفقلی اؤلکه‌میزی.
شئیطانلار قؽلینجلاییر
یوللاردا کؤلگه‌میزی.
بو تایدا بیر چوخ یوردلار
یؽخیلمیش... سؤنموش اوجاق.
اودلانمیش یۆروشلرده
کیتابلار قالاق-قالاق.
لاکین هر سؤنن اودون
کۆل آلتی کؤزلری وار.
«اوبالی شاعیر»لرین
سازلاری، سؤزلری وار.
مؤحتشم شاعیر، آمان!
سؤزومدن محزون اولما!
دینلرکن غۆصّه‌میزی
غملنیب، دولغون اولما!
بیر زامان شیماللاردان
بیزلره قوناق گلدین.
ظۆلمتی یارا-یارا
الینده چؽراق گلدین.
گئجه‌میز قارانلیقسا
گؤزوموز سحرده‌دیر.
فلکدن اۆمید اۆزوب
آرزوموز بو یئرده‌دیر.
قؽریلیب چوخدان تئلی،
اسرکن «باغمئشه»دن
ائی سرین صبا یئلی.
گۆذار قؽل قاراباغا
باکی‌یا، هم شیروانا.
یئتیر ائل پیامینی
او عزیز سلیمانا.
مؤحتشم اول شاعیره،
بیزلردن سلام سؤیله.
دئینن کی، دینله‌ییریک
«شاعیرین سسین» هله.
ائی عزیز یورد قارداشیم،
دیله‌دین قارا زیندان
یؽخیلسین تملیندن
دیله‌دین بیزیم اؤلکه
گۆللنیب، اولسون گۆلشن.
لاکین ائی عزیز قارداش،
بو صفر گۆذار ائتسن
تبریزدن، مراغادان
هر یئرده گؤره‌جکسن
«گۆنشسیز، آیسیز زیندان».
حاصارا سالمیش ایبلیس
شفقلی اؤلکه‌میزی.
شئیطانلار قؽلینجلاییر
یوللاردا کؤلگه‌میزی.
بو تایدا بیر چوخ یوردلار
یؽخیلمیش... سؤنموش اوجاق.
اودلانمیش یۆروشلرده
کیتابلار قالاق-قالاق.
لاکین هر سؤنن اودون
کۆل آلتی کؤزلری وار.
«اوبالی شاعیر»لرین
سازلاری، سؤزلری وار.
مؤحتشم شاعیر، آمان!
سؤزومدن محزون اولما!
دینلرکن غۆصّه‌میزی
غملنیب، دولغون اولما!
بیر زامان شیماللاردان
بیزلره قوناق گلدین.
ظۆلمتی یارا-یارا
الینده چؽراق گلدین.
گئجه‌میز قارانلیقسا
گؤزوموز سحرده‌دیر.
فلکدن اۆمید اۆزوب
آرزوموز بو یئرده‌دیر.