منو
حیاتین یۆکو آغیردیر، آغیر
قارانلیق چؤکوبدور، قار، یاغیش یاغیر
حیاتین یۆکو آه، آغیردیر، آغیر.
اوزاقدا لامپالار، قانلا دولو گؤز
قالمامیش کندده آت، نه اؤکوز.
آرابایا باغلا، اؤزونو ایگید
چؽرپینان اۆرگین سسینی ائشیت.
قارا پالچیق دیزدن، یول اۆز یوخاری
حیاتین یۆکون چک ایشیغا ساری.
اوجسوز و بوجاقسیز
دمیرچی کۆره‌سی تک یانان بیر چؤل.
چک حیاتین یۆکون، اؤلورسن ده اؤل!
شیرین سو آردینجا دۆشسن آیاقدان
دئمرم کی، گۆموش سرابا آلدان.
بوراسی بوز شهر، خانین باش کندی.
تونج قاپی‌سی قصرین باغلیدیر ایندی.
اؤنونده کئشیکچی گزیر خیال تک.
تؤکور یارپاقلاری یئل اتک-اتک.
گئجه سۆکوتوندا سولار شؽریلدیر
بوراسی رمزلی، اسکی دیاردیر.
سانما کی، فلکدن کؤچموش قؽزیل گۆن
اۆفوقده قؽزاران طۆلوعو دۆشون.
مرمردن بیر سارای، زۆمروددن باغ
آی ایشیغی کیمی پارلایان چؽراق.
عطیرلی اوتاقدا پرده‌لر آردی
مینیه‌توره بنزر بیر گؤزل واردی.
بیللور بارداغدا آل شراب پارلار
بورانین مؤوسومو باهاردیر، باهار.
سارایی قورموشدور سانکی کاینات
سارایدا گۆللنر باشقا بیر حیات.
جنّتی آختاران بورادان کئچسین،
حیات بولاغیندان سرین سو ایچسین.
قارانلیق چؤکوبدور، قار، یاغیش یاغیر
ائللرین دردی آه، آغیردیر، آغیر.
دیلنیر شهرده خیال تک گزن،
یوردونو بوراخیب تهرانا گلن.
داشلاردان، پالچیقدان یووا تیکیبلر
آری تک اوشاقلار پؤهره وئریرلر.
یئنه ده آروادلار ایکیجانلیدیر
کئچرسه بو یولدان حضرتی خضری
گؤرر کی، قورویوب حیات چشمه‌سی
پرده‌لردن قالخیر اؤلومون سسی.
حیاتین یۆکو آه، آغیردیر، آغیر
قارانلیقدا یاتان ائللری چاغیر.
بولودلاردا قؽزیل ایلدیریم چاخیر،
داغلاردان دره‌یه سئل-سولار آخیر
سئللر قودورموشسا داغ کیمی دورون!
کؤرپو یؽخیلمیشسا، کؤرپولر قورون
حیاتین یۆکو آه، آغیردیر، آغیر.
اوزاقدا لامپالار، قانلا دولو گؤز
قالمامیش کندده آت، نه اؤکوز.
آرابایا باغلا، اؤزونو ایگید
چؽرپینان اۆرگین سسینی ائشیت.
قارا پالچیق دیزدن، یول اۆز یوخاری
حیاتین یۆکون چک ایشیغا ساری.
اوجسوز و بوجاقسیز
دمیرچی کۆره‌سی تک یانان بیر چؤل.
چک حیاتین یۆکون، اؤلورسن ده اؤل!
شیرین سو آردینجا دۆشسن آیاقدان
دئمرم کی، گۆموش سرابا آلدان.
بوراسی بوز شهر، خانین باش کندی.
تونج قاپی‌سی قصرین باغلیدیر ایندی.
اؤنونده کئشیکچی گزیر خیال تک.
تؤکور یارپاقلاری یئل اتک-اتک.
گئجه سۆکوتوندا سولار شؽریلدیر
بوراسی رمزلی، اسکی دیاردیر.
سانما کی، فلکدن کؤچموش قؽزیل گۆن
اۆفوقده قؽزاران طۆلوعو دۆشون.
مرمردن بیر سارای، زۆمروددن باغ
آی ایشیغی کیمی پارلایان چؽراق.
عطیرلی اوتاقدا پرده‌لر آردی
مینیه‌توره بنزر بیر گؤزل واردی.
بیللور بارداغدا آل شراب پارلار
بورانین مؤوسومو باهاردیر، باهار.
سارایی قورموشدور سانکی کاینات
سارایدا گۆللنر باشقا بیر حیات.
جنّتی آختاران بورادان کئچسین،
حیات بولاغیندان سرین سو ایچسین.
قارانلیق چؤکوبدور، قار، یاغیش یاغیر
ائللرین دردی آه، آغیردیر، آغیر.
دیلنیر شهرده خیال تک گزن،
یوردونو بوراخیب تهرانا گلن.
داشلاردان، پالچیقدان یووا تیکیبلر
آری تک اوشاقلار پؤهره وئریرلر.
یئنه ده آروادلار ایکیجانلیدیر
کئچرسه بو یولدان حضرتی خضری
گؤرر کی، قورویوب حیات چشمه‌سی
پرده‌لردن قالخیر اؤلومون سسی.
حیاتین یۆکو آه، آغیردیر، آغیر
قارانلیقدا یاتان ائللری چاغیر.
بولودلاردا قؽزیل ایلدیریم چاخیر،
داغلاردان دره‌یه سئل-سولار آخیر
سئللر قودورموشسا داغ کیمی دورون!
کؤرپو یؽخیلمیشسا، کؤرپولر قورون