شاعیر شهریارا

مسجیده گئدرکن

دام-دیواری قار هؤروبدور
«تفو دئییرسن، گؤیده دونور».
جیویلدشن آغ سرچه‌لر
لۆت آغاجا گلیب قونور.

دۆنن آخشام بازارچادا
باشماقلاریم ایسلانمیشدی.
کۆرسو آلتیندا قویموش آنام
باشماقلاریم دؤنموش قاخا.

کۆلک قاری چؽرپیر اۆزه
گؤزومدن یاش آخا-آخا.
آغیر قاری یارا-یارا
یوللانیرام مسجیده من...

اینیم تنیک، قارنیم یاریم،
قؽش چاغی دا دئمک تانریم
یاددان چؽخارمیشدیر منی.
ایستی-سویوق اولموش الیم،
آیاقلاریم... آغلاییرام.
قان شورولدور اللریمدن...

سسسیز، قارلی قبریستاندا
آلاجا بیر کؤپک اولور...
کۆلک مسجید اوشاقلارین
جاناوار تک بیر-بیر اودور.
یول اوزانیر، یوخدور دیبی،
بودور، جانسیز «میر حبیبی»
«قوربان خاک پا» گؤزلویور،
«مینّت خدایرا» گؤزلویور.