قانلی پاییز

بولودلار قالاق-قالاق،
تؤکولر قورو یارپاق.
پاییزدیر: «قانلی پاییز»
ائل کؤچوب، سؤنوب اوجاق.

سو آخماز زینه-زینه،
قان آخیر سو یئرینه.
ائللره دیوان توتور،
آمانسیز دۆشمان یئنه.

اورتانی ظۆلمت باسدی،
ائولرده ایندی یاسدی.
دان یئری آغارارکن
جلّاد بئش ایگید آسدی.

گؤیده‌کن رب-قادر،
«کؤلگه‌سی یئرده گزیر»،
افییون درویشلره
آذری اولموش اسیر.

توزلودور تبریز یولو،
شئیطانلا یوردلار دولو.
زنجیرلر دمیردنسه،
پولاددی ائلین قولو.

دئسه ده توفان قان-قان،
چکینمه قارانلیقدان!
دور، قؽزیل مشعل یاندیر،
گؤرسه اود، قاچار شئیطان.