منو
کئچن خاطیره‌لر
کئچن خاطیره‌لر یانار اود کیمی،
کؤنلومو یاندیرار، یانیرام هر گۆن.
اۆمید منه دئییر: — قالخ گؤیلرده اوچ.
یاس سؤیله‌ییر منه: — تورپاقدا سۆرون.
تورپاقدا سۆرونمک منه یاراشماز،
ایشیقلی اۆرگه ظۆلمت دولاشماز.
قارانلیق گئجه‌دیر، دۆشونورم من،
یازدا بویاناردی بیزیم گؤی کؤوشن.
هئچ اولماسا گئجه ائوده، اوجاقدا،
لامپا گۆل آچاردی، یاپپا یاناردی.
ائلین توخودوغو فرشه باخارکن،
پالچیق ائوی اینسان جنّت ساناردی.
هئچ اولماسا گئجه دامدا یاتارکن،
دان ایشیقلانمادان گۆلردی اۆلکر.
ساماوار قورولوب گۆللو حیطده،
سۆفره‌یی دؤشردی تازه گلینلر...
هئچ اولماسا هر گۆن قالانیب تندیر،
گۆل یارپاغی کیمی چؤرک بیشردی.
بوزباش بیشسین دئیه جاوان آنامیز:
اییلیب تندیره کۆلو ائشردی...
هئچ اولماسا هر ایل خؽرمان اۆستونه
بزارلار گلردی، چرچی گلردی...
پاییزدا و قؽشدا جاوان قؽزلارا
اوزاق-اوزاق ائلدن ائلچی گلردی...
ایلک باهار گئجه‌سی ائوده یاتارکن،
آی ایشیق سالاردی، نسیم اسردی.
کاروان کنددن چؽخیب یۆکلو، یاپیلی،
گۆن دوغانا قدر منزیل کسردی.
دوغرودور کی، کندلی دئییلدی مسعود،
حیاتیمیز عصره اویغون دئییلدی.
ایل کئچدی، گۆن کئچدی بیر سحر چاغی،
هئچ چاغیریلمامیش قوناقلار گلدی.
بیزه چیت وئریب و شۆشه بیلرزیک،
بیزدن خالی، خالچا، جئجیم آلدیلار.
بیری‌سین گتیریب ارباب ائتدیلر،
بیزلری ده قارا گۆنه سالدیلار.
چشمه‌میز، چاییمیز قورودو او ایل،
آجلیق دۆشدو کنده، کؤچدو کرم‌گیل.
بیز ده کؤچوب گئتدیک تبریز شهرینه،
شهرلرده ایش، گۆج وار ایدی یئنه.
شهر ده بیر بؤیوک کنده اوخشاردی،
ائولری پالچیقدان، یوللاری تورپاق.
اوردا قاییراردی دمیرچی بابا
بیچینچیلر اۆچون دمیردن اوراق.
شهرده ایشچیلر بئز توخویاردی.
دۆکاندا چؤرکچی چؤرک یایاردی.
شهر اطرافیندا سولار آخاردی.
سو دییرمانلاری ایشلردی هر گۆن،
شهرین باغلاریندا یازدا، پاییزدا،
آلمانی، آلچانی قؽزارداردی گۆن.
بیر گۆن کی، تبریزه آغیر قار گلدی،
او «چاغیریلمامیش قوناقلار» گلدی.
اونلار دنیزی آشیب گلنلر،
شرق اوشاقلاری‌نین دیلین بیلنلر،
گؤردولر کی، بوشدو شهرده مئیدان.
خلقه چیت ساتدیلار، شکیللی فینجان.
اون فابریکی وئریب، یاتدی دییرمان.
چشمه‌لر قورودو دۆشدو صدادان
بئز توخویانلار دا ایشدن قووولدو،
آتشده یاناراق کۆلو سوورولدو.
یئنه نئجه اولسا شهر ایچینده
حیات اویغون ایدی، دینج ایدی اینسان.
چؤللرده اوخوردو قؽزیل سهره‌لر
باغلاردا بیتردی لاله و رئیحان.
کئچن خاطیره‌لر یانار اود کیمی،
یاندیریر ایچیمی، یانیرام بو گۆن.
بو بیر داستان ایدی، یادلارا عاید،
«یاد» سنه «یاشیل باغ» گؤسترسه دۆشون
بیلیرسن نه وئردی بیزه «قوناقلار»؟
آینالی تۆفنگلر، کسکین بؽچاقلار.
پارلاق بۆللور آینا، چؽراق، آویزه،
"او چؽراقلار وئردی آتش تبریزه.
ائللر کؤچدولر ده، بوش قالدی یوردلار،
باسقین ائتدی شهره قان ایچن قوردلار.
کؤنلومو یاندیرار، یانیرام هر گۆن.
اۆمید منه دئییر: — قالخ گؤیلرده اوچ.
یاس سؤیله‌ییر منه: — تورپاقدا سۆرون.
تورپاقدا سۆرونمک منه یاراشماز،
ایشیقلی اۆرگه ظۆلمت دولاشماز.
قارانلیق گئجه‌دیر، دۆشونورم من،
یازدا بویاناردی بیزیم گؤی کؤوشن.
هئچ اولماسا گئجه ائوده، اوجاقدا،
لامپا گۆل آچاردی، یاپپا یاناردی.
ائلین توخودوغو فرشه باخارکن،
پالچیق ائوی اینسان جنّت ساناردی.
هئچ اولماسا گئجه دامدا یاتارکن،
دان ایشیقلانمادان گۆلردی اۆلکر.
ساماوار قورولوب گۆللو حیطده،
سۆفره‌یی دؤشردی تازه گلینلر...
هئچ اولماسا هر گۆن قالانیب تندیر،
گۆل یارپاغی کیمی چؤرک بیشردی.
بوزباش بیشسین دئیه جاوان آنامیز:
اییلیب تندیره کۆلو ائشردی...
هئچ اولماسا هر ایل خؽرمان اۆستونه
بزارلار گلردی، چرچی گلردی...
پاییزدا و قؽشدا جاوان قؽزلارا
اوزاق-اوزاق ائلدن ائلچی گلردی...
ایلک باهار گئجه‌سی ائوده یاتارکن،
آی ایشیق سالاردی، نسیم اسردی.
کاروان کنددن چؽخیب یۆکلو، یاپیلی،
گۆن دوغانا قدر منزیل کسردی.
دوغرودور کی، کندلی دئییلدی مسعود،
حیاتیمیز عصره اویغون دئییلدی.
ایل کئچدی، گۆن کئچدی بیر سحر چاغی،
هئچ چاغیریلمامیش قوناقلار گلدی.
بیزه چیت وئریب و شۆشه بیلرزیک،
بیزدن خالی، خالچا، جئجیم آلدیلار.
بیری‌سین گتیریب ارباب ائتدیلر،
بیزلری ده قارا گۆنه سالدیلار.
چشمه‌میز، چاییمیز قورودو او ایل،
آجلیق دۆشدو کنده، کؤچدو کرم‌گیل.
بیز ده کؤچوب گئتدیک تبریز شهرینه،
شهرلرده ایش، گۆج وار ایدی یئنه.
شهر ده بیر بؤیوک کنده اوخشاردی،
ائولری پالچیقدان، یوللاری تورپاق.
اوردا قاییراردی دمیرچی بابا
بیچینچیلر اۆچون دمیردن اوراق.
شهرده ایشچیلر بئز توخویاردی.
دۆکاندا چؤرکچی چؤرک یایاردی.
شهر اطرافیندا سولار آخاردی.
سو دییرمانلاری ایشلردی هر گۆن،
شهرین باغلاریندا یازدا، پاییزدا،
آلمانی، آلچانی قؽزارداردی گۆن.
بیر گۆن کی، تبریزه آغیر قار گلدی،
او «چاغیریلمامیش قوناقلار» گلدی.
اونلار دنیزی آشیب گلنلر،
شرق اوشاقلاری‌نین دیلین بیلنلر،
گؤردولر کی، بوشدو شهرده مئیدان.
خلقه چیت ساتدیلار، شکیللی فینجان.
اون فابریکی وئریب، یاتدی دییرمان.
چشمه‌لر قورودو دۆشدو صدادان
بئز توخویانلار دا ایشدن قووولدو،
آتشده یاناراق کۆلو سوورولدو.
یئنه نئجه اولسا شهر ایچینده
حیات اویغون ایدی، دینج ایدی اینسان.
چؤللرده اوخوردو قؽزیل سهره‌لر
باغلاردا بیتردی لاله و رئیحان.
کئچن خاطیره‌لر یانار اود کیمی،
یاندیریر ایچیمی، یانیرام بو گۆن.
بو بیر داستان ایدی، یادلارا عاید،
«یاد» سنه «یاشیل باغ» گؤسترسه دۆشون
بیلیرسن نه وئردی بیزه «قوناقلار»؟
آینالی تۆفنگلر، کسکین بؽچاقلار.
پارلاق بۆللور آینا، چؽراق، آویزه،
"او چؽراقلار وئردی آتش تبریزه.
ائللر کؤچدولر ده، بوش قالدی یوردلار،
باسقین ائتدی شهره قان ایچن قوردلار.