سازاق اسدی

سازاق اسدی داغدان، هاوا بولاندی،
خزان اولدو باغلار، یارپاق سارالدی.
سؤنسه ده ائللرین یانار چؽراغی،
آلوولو گۆنشه باخ، سؤنمز قالدی.

شرقدن قوپان اوّل اؤلوم توفانی،
داغا، داشا چؽرپدی، داغیلدی، گئتدی.
سئللرین آشدیغی، داشدیغی یئرده،
یئنه لاله آچدی، گؤی اوتلار بیتدی.

قوروجا چؤللرده آوارا گزدیم،
باتلاقلارا جومدوم، پالچیغا باتدیم.
آچ قاپینی آنا، یئنه ده گلدیم
داغلاری آشاراق، وطنه چاتدیم.