سودا ایشیقلار

«باغمئشه»دن ایراق، «ساری داغلار»دان،
گۆنش دوغور سحر، رنگی قؽزیل قان!
اونون آلووو ایله، اولور نمودار:
یارپاقلاردا شؤعله، سودا ایشیقلار.
ازلی جادودور قؽرمیزی گۆنش،
اوندادیر توفانلار، اوندادیر آتش.
قانیمیزدا واردیر آتشدن اثر،
بیزی توفانلارا، اودا سۆروکلر...
یوردوموز «اود یوردو»، گۆنوموز اودلو،
حیاتیمیز قانلا، آتشله دولو!
قاندا، اود اولماسا قؽزیشماز اۆرک،
گۆنش یاندیرمازسا آچیلماز چیچک.