کابوس

بیزه یاد کابوس باخ کؤلگه سالیب،
بو اؤلومدور، بو اؤلوم کؤلگه‌سیدیر!
یاد ائللی اولسا دا خوش سسلی، یئنه،
بیزجه ارباب سسی، جلّاد سسیدیر...

ائولری یؽخسا و قان تؤکسه ده یاد،
اونا کیم شۆمر، سیتمکار دئیممز.
زۆلفونه کیمسه توخونماز و اونا:
«گؤزون اۆسته قاشین وار» دئیممز.

یاد ائلین کابوسو قورخونج دئگیل،
ساده اینسانلارا قارداش کیمیدیر...
اما، گۆندوز بیزه گۆن وئرمییرک،
آیاق آلتیندا گئجه داش کیمیدیر.

یادین اول خانلیغی، عالمده اینان،
ایمپئراتورلوغون ایرنج اۆزودور!
بو قدر حشمته باخما، سن اونون،
چۆنکی بیر کؤشکولودور، بیر اؤزودور.

قارا کابوس بیزی آه بوغدو اوغول!
آیریلیق سالدی او ائللر ایچینه
آلووو ایله ائویمیز یاندی آمان!
قویمادی کیمسه کی، گئتسین بیچینه.

قورودو چایلاریمیز، یاندی چمن،
یام‌یاشیل باغلاریمیز اولدو خزان،
او بیزیم آل گۆنشین اؤرتدو اۆزون
بۆرودو ظۆلمت، ایشیلدانمادی دان!

خانلیغین باخما دونو قؽرمیزیدیر،
او بو، یا ائل اوبانین آل قانیدیر!
او بیزیم وارلیغیمیزلا دؤیوشر،
او بیزیم شعریمیزین دۆشمانیدیر.